SERAT
NITIPRAJA = BUKU NITIPRAJA
Yasane
Sinuwun Sultan Agung Hanyakrakusuma ing Mataram nalika taun 1641.
Isine
piwulang marang para luhuring negara, utawa para pemimpining nagara, bab
anggone ngurusi nagara, lan momong marang wong cilik utawa rakyat.
Dicritakake ana tuladha tumrap
para pemimpin, yaiku lelakone patih ing nagara Mesir sing aran Patih Koja-jajahan.
Patih sing gedhe pangwasane. Nanging iya patih sing akeh danane marang
rerehane. Gawene mistakake para bupati lan ratu rerehan, sing arep seba marang
ngarsane ratu ing Nagara Mesir. Ora mung cukup mstakake, nanging sang patih mau
uga menehi sandhangan anyar sing apik-apik, marang para bupati lan para ratu
rerehan mau. Sandhangan anyar mau, supaya dienggo seba marang sang prabu Mesir.
Manawa pinuju wektu paseban mangkono, Patih Koja-jajahan sing becik atine sarta
akeh danane mau mung nganggo panganggo sing prasaja wae.
Cekak
cukupe Sang Patih Koja-jajahan mau ora kurang-kurang becik bebudene, marang
sang prabu ing Mesir, lan sakawulane kabeh. Ewasamono, petihe sang patih mau
kena ing cidra. Utawa dialani dening wong sing ora seneng. E, ngalam donya iki
pancen ngewuhake. Wong becik blaba seneng weweh kok ya dialani!
Iku
nggambarake sepira abote wong dadi pemimpin, momong rakyat lan gawe karahayone
nagara. Karepe becik apik, nanging ana wae wong sing ora bisa aweh panarima
marang kabecikane kyai patih mau. Malah wekasane nandhang sangsara marga
dipiala.
0 komentar:
Posting Komentar