NYETRUM MALING
Jaman biyen
ana maling cilik-cilikan kayata maling woh-wohan. Sapa wae sing duwe wit pelem,
jambu, rambutan lan sapanunggalane kudu ngati-ati. Esuk-esuk mesthi ngerteni
yen woh-wohane dicolong wong.
Cak Dar
pirang-pirang dina muring-muring. Dheweke bingung muter akal olehe arep nangkap
maling sing saben dina ngrampok woh-wohane. Arep njaga woh-wohane nganti esuk,
dheweke ora betah melek. Apa maneh yen ngelingi menawa iku mesthi nekad, mangka
Cak Dar ora wani gelud.
Dumadakan
dheweke nemu akal. Kebeneran desane lagi wae klebon aliran listrik mbarengi
program Listrik Masuk Desa. Mula pager sing kulina dilumpati maling banjur
diwenehi kawat wuda sing dialiri listrik, saengga wong sing arep nyolong
woh-wohan mesthi kesetrum. Temenan. Meneri Dina Jemuah Legi, esuk-esuk desane
Cak Dar geger kepati. Ana wong loro nemahi tiwas nemplek ing pager kebone Cak
Dar. “Kapokmu kapan!” batine Cak Dar.
Nanging ora
let suwe genti Cak Dar sing diringkus polisi. Bukti-buktine wis cetha, dhewekke
ora bisa suwala. Cekaking crita Cak Dar sida dikunjara sawetara taun gara-gara
nyetrum maling. “Oalah Rek.. masalah panganan wae kok, nganti mlebu kunjara.
Saumpama dakkongkon ngepek wae, rak ora nganti kaya ngene,” getune ora
uwis-uwis.
Dening: Agus Iswandriyanto
Jl.Ir.Soekarno 96, Tempeh, Lumajang
0 komentar:
Posting Komentar