Tradisi Ruwatan

Ruwatan

Ruwatan iku salah sijining upacara adat Jawa sing ancasé kanggo mbébasake wong komunitas utawa wilayah saka ancaman bebaya. Inti upacara ruwatan iki sejatiné arupa ndonga, nyuwun pangayoman marang Gusti Allah saka ancaman bebaya-bebaya umpamané bencana alam lan liyané, uga ndonga nyuwun pengampunan dosa-dosa lan kesalahan-kesalahan sing wis dilakoni sing isa nyebabaké bencana.

Upacara adat iki asalé saka ajaran budaya Jawa kuna sing sifaté sinkretis sing saiki diadaptasi lan disesuaiké karo ajaran agama.

Makna

Maknane Ruwatan sejatine reresik diri saka sakehing dosa lan panggawe ala, ngedhekake rasa panembah marang Gusti kang akarya jagad dimen rahayu uripe. Tembung "Ruwat" uga ateges "bebas" saka sakehing goda,coba lan rencana, bebendu, dosa lara lan sapanunggalane. Ruwatan iku salah sijining upacara adat Jawa sing tujuwané kanggo mbébasaké wong, masarakat utawa wewengkon saka ancaman bebendu. Inti upacara ruwatan iki sejatiné ndonga, njaluk pangayoman marang Gusti Allah saka ancaman bebendu umpamané bencana alam lan liyané, uga ndonga njaluk pngampunan dosa-dosa lan kesalahan-kesalahan sing uwis dilakoni sing bisa njalari bencana.lan dingo tulak bala ana ing sawijining desa.

Larangan

Ing kapercayan wong Jawa, ana wanti-wanti supaya wong kang lagi mbobot (ngandhut) ora pati cerak-cerak (nyedhak) ing papan kang lagi ana ruwatan. Amarga daya lan kakuwatan seka ruwatan kang lagi di patrapke bisa marai gugurake calon jabang bayi. Ujaré, kakuwatan iki saka dayaning Ilmu Waringin Sungsang (aksara caraka diwalik).

Sejarah

Upacara adat iki asalé saka carita Bathara Kala yaiku buta sing doyan mangan menungsa. Bathara Kala iku putra Bathara Guru utawa putu para déwa.

Jinis menungsa sing disenengi Bathara Kala lan dikuwatiraké ngalami sukerta yaiku:

• Sing lair tunggal utawa ontang-anting
• Kembang sepasang utawa kembar
• Sendhang kapit pancuran utawa lanang, wadon, lanang, uga
• Pancuran Kapit Sendang, utawa anak wadon, lanang, wadon.
• Uger-uger lawang utawa anak loro lanang kabèh
• Ontang-onting utawa anak siji wadon
• Pendhawa utawa anak lima lanang kabeh
• Pendhawi anak lima wadon kabeh.
• Kedhana-kedhini utawa anak loro lanang wadon
• Gondhang kasih anak loro beda pakulitane, siji ireng siji putih
• Dhampit utawa anak loro lanang wadon kang laire bareng
• Jawi ngirit Banteng, anak mbarep wadon, adhine lanang kabeh
• Banteng ngirit Jawi, anak lanang pembarep, adine wadon kabeh
• saramba, anak 4 lanang kabeh
• Sarimpi, anak 4 wadon kabeh
• Bungkus,
• Julung Pujut
• Julung wangi
• Julung Sungsang
• Tiba sampir
• Wahono
• Margono
• Slewah
• Bule
• Kresna
• Walika
• Wungkuk
• Dengkak
• Wujil

Sesajèn

Sesajèn sing disiapake kanggo upacara adat iki antarané:

• Kain pitung werna
• Wos Jené
• Jarum kuning
• Kembang pitung rupa
• pala kependhem
• pala kasimpar
• pala gumantung
• buah-buahan
• alat tetanen
• kaca pangilon
• gunting
• senthir lemah
• kendhi
• kuwali
• banyu pitung sendhang
• tuwuhan
• jenang abang
• ingkung
• panggang ayam
• iwen sejodo
• iber-iberan
• benang lawe
• suruh
• beras
• gedang setangkep
• tuwuhan.
• klapa gading sejanjang
• cikal
• pari segedheng
• padusan
• siwur gethong
• manuk dara

Yen kanggo tolak bala utawa mbuang sial wong sing ngalami sukerta, wong sing diruwat kudhu njalani siraman banyu suci lan nggunting rambut, rambute banjur dilarung neng segara.

Sumber: https://jv.wikipedia.org/wiki/Ruwatan