Gong
Gong
Gong iku salah siji
piranti gamelan Jawa sing
ditabuh, digawé saka tosan lan nduwé ukuran sing gedhé dhéwé. Piranti
iki biasané papané ing mburi dhéwé, digantung ing palangan gayor
sing umum digawé saka kayu ukuran gedhé. Ana loro jinis gong yaiku: gong ageng lan gong suwuk. Saben laras sléndro lan pelog
nduwéni telung sèt gong.[1]Gong Gedhé kang cacahé loro lan siji gong suwukan
Wujud
Wujudé bunder, gedhé, rada cekung,
kanthi garis tengah 1 méter,[2] lan permukaané rata ning ana tonjolan
ing tengah-tengah.
Swara
Gong nduwé swara sing gedhé dhéwé lan nadhané paling
asor tinimbang nadha piranti gamelan liyané, yaiku kanthi nadha 3(telu)
Fungsi
Gong ditabuh kanggo awèh tekanan ing bagéyan tinentu
(umumé akir) iringan musik gamelan utawa dadi pratandha
pungkasé sawijining tembang lan gérong
dadi arang banget ditabuh (ora terus-terusan) ning ditabuh ing selang wektu
tinentu.
Prangkat musik tradhisional
iki saiki nduwé fungsi liya yaiki kanggo tandha paresmian
utawa pambukaan acara.
Sumber: https://jv.wikipedia.org/wiki/Gong
0 komentar:
Posting Komentar