Kumpulan 215 Peribahasa Jawa
Tulisan Versi Basa Jawa
Ing njero khasanah
sastra Jawa dikenal apa sing diarani sanepan utawa saloka. Ngrupakne bentuk
peribahasa sing isine makna kiasan kanggo piranti nggampangna gambaran keadaan.
Keadaan sing bisa ngrupa fakta realitas sing ora biasane kedadean, sindiran, sarkasme, lan suatu
kenyataan sing paradoksal.
Dirangkai ana ing jero gaya bahasa,
tembung lan ukara sing becik, lembut ben ora gampang nyinggung perasaane
wong liyo nanging gampang dadi pepeling.
Nanging wektu saiki kekayaan sastra Jawa krasa minim banget, ora luwih
saka bahasa sadina-dinane sing diterapake ana ing jero pergaulan masyarakat Jawa lan
liyane.
Nanging nek kowe pengen nggunakake ana ing jero wacana komunikasi saben dinane katone
isih relevan, lan aku pikir isih ngguna kanggo ngistilahake utawa mbasakne
suatu kadadean sing ora wajar. Kalimat
sing digunakne ibarat parikan sing sok sok krasa lucu lan aneh.
Ing ngisor iki ana peribahasa sing bisa tak kumpulake saka
macem-macem sumber khasanah pustaka Jawa. muga-muga migunani kagem pajenengan
sadayo.
Tulisan Versi Bahasa Indonesia
Dalam khasanah
sastra Jawa dikenal apa yang dinamakan bebasan, sanepan, atau saloka. Merupakan
bentuk peribahasa yang berisi makna kiasan sebagai sarana mempermudah
penggambaran suatu keadaan. Keadaan bisa berupa fakta realitas yang tidak biasa
terjadi, sindiran, sarkasme, dan suatu kenyataan yang paradoksal.
Dirangkai dalam gaya
bahasa, kata dan kalimat yang indah, lembut agar tidak mudah menyinggung perasaan
orang namun mudah sebagai pengingat.
Pada saat ini
kekayaan sastra Jawa terasa sangat minim, tidak lebih dari bahasa sehari-hari
yang diterapkan dalam pergaulan masyarakat Jawa dan lainnya.
Namun bila anda
ingin menggunakan dalam wacana komunikasi sehari-hari tampaknya masih relevan,
dan saya pikir masih bermanfaat untuk megistilahkan atau membahasakan suatu
kejadian atau peristiwa yang tidak wajar. Kalimat yang digunakan ibarat pantun
yang terkadang terasa lucu dan aneh.
Berikut ini peribahasa yang dapat kami kumpulkan
dari berbagai sumber khasanah pustaka Jawa . Semoga bermanfaat untuk anda
sekalian.
1. Ana catur mungkur : ora gelem ngrungokake rerasan kang ora becik.
2. Ana daulate ora ana begjane : arep nemu kabegjan nanging ora sida (untub-untub).
3. Ana gula ana semut : papan sing akeh rejekine, mesti akeh sing nekani.
4. Anak polah bapa kepradah : tingkah polahe anak dadi tanggungjawabe wong tuwa.
5. Adhang-adhang tetese embun : njagakake barang mung sak oleh-olehe.
6. Adigang, adigung, adiguna : ngendelake kekuwatane, kaluhurane lan kepinterane.
7. Aji godhong garing (aking) : wis ora ana ajine / asor banget.
8. Anggenthong umos (bocor/rembes) : wong kang ora bisa nyimpen wewadi.
9. Asu belang
kalung wang : wong asor
nanging sugih.
10. Asu gedhe menang kerahe : wong kang dhuwur pangkate mesti bae gede
panguwasane.
11. Asu marani gebuk : njarak / sengaja marani bebaya.
12. Ati bengkong oleh obor : wong kang duwe niyat ala malah oleh dalan.
13. Angon mongso : golek waktu kang prayoga kanggo tumindak.
14. Angon ulat ngumbar tangan : ngulatake kahanan menawa kalimpe banjur dicolong.
15. Arep jamure emoh watange : gelem kepenake ora gelem rekasane.
16. Asu rebutan balung : rebutan barang kang sepele.
17.
Blaba wuda : saking
lomane nganti awake dhewe ora keduman.
18. Bebek mungsuh mliwis : wong pinter mungsuh wong kang podho pintere.
19. Becik ketitik ala ketara : becik lan ala bakal konangan ing tembe mburine.
20. Belo melu seton (malem minggu) : manut grubyuk ora ngerti karepe (taklid).
21. Beras wutah arang bali menyang takere : barang kang wis owah ora bakal bali kaya maune.
22. Bidhung api rowang : ethok-ethok nulung nanging sejatine arep ngrusuhi.
23. Balilu tan pinter durung nglakoni (bodho) : wong bodho sering nglakoni, kalah pinter ro wong
pinter nanging durung tau nglakoni.
24. Baladewa ilang gapite (jepit wayang) : ilang kekuwatane / kaluhurane.
25. Banyu pinerang ora bakal pedhot (sigar) : pasulayan sedulur ora bakal medhotake sedulurane.
26. Bathang lelaku : lunga ijen ngambah panggonan kang mbebayani.
27. Buntel kadut, ora kinang ora udud : wong nyambut gawe borongan ora oleh mangan lan
udud.
28. Buru (mburu) uceng kelangan dheleg : golek barang sepele malah kelangan barang luwih
gedhe.
29. Busuk ketekuk, pinter keblinger : wong bodho lan pinter padha wae nemu cilaka.
30. Bathok bolu isi madu (bolong telu) : wong asor nanging sugih kepinteran.
31. Bubuk oleh leng : wong duwe niyat ala oleh dalan.
32. Bung pring petung : bocah kang longgor (gelis gedhe).
33.
Cedhak celeng boloten (gupak lendhut) : cedhak karo wong ala bakal katut ala.
34. Cedhak kebo gupak : cedhak karo
wong ala bakal katut ala.
35. Ciri wanci lelai ginawa mati : pakulinan ala ora bisa diowahi yen durung nganti
mati.
36. Cincing-cincing meksa klebus : karepe ngirit nanging malah entek akeh.
37. Criwis cawis : seneng maido nanging yo seneng menehi/muruki.
38. Carang canthel : ora diajak guneman nanging melu-melu ngrembug.
39. Car-cor kaya kurang janganan: ngomong
ceplas-ceplos oran dipikir disik.
40. Cathok gawel (timangan sabuk) : seneng cawe-cawe mesthi ora diajak guneman.
41. Cuplak andheng-andheng, yen ora pernah
panggonane bakal disingkirake : wong kang njalari ala becike disingkirake.
42. Cebol nggayuh lintang : kekarepan kang ora mokal bisa kelakon.
43. Cecak nguntal cagak (empyak) : gegayuhan kang ora imbang karo kekuwatane.
44.
Digarokake dilukoke : dikongkon
nyambut gawe abot.
45. Didhadhunga medhot, dipalangana mlumpat : wong kang
kenceng karepe ora kena dipenggak.
46. Diwenehi ati ngrogoh rempela : diwenehi sithik ora trima, malah njaluk sing akeh.
47. Dom sumuruping mbanyu : laku sesideman kanggo meruhi wewadi.
48. Dudu sanak dudu kadang, yen mati melu kelangan
: senajan wong liya yen lagi nemoni rekasa bakal
dibelani.
49. Durung pecus keselak besus : durung sembada nanging kepengin sing ora-ora.
50. Dadiya banyu emoh nyawuk, dadiya godhong emoh
nyuwek, dadiyo suket emoh nyenggut : wis ora gelem nyanak / emoh sapa aruh.
51. Dahwen ati open (seneng nacad) : nacad
nanging mbenerake wong liya.
52. Dandhang diunekake kuntul, kuntul diunekake
dandhang : ala dianggep becik,
becik dianggep ala.
53. Desa mawa cara, negara mawa tata : saben panggonan duwe cara utawa adat dhewe-dhewe.
54. Dhemit ora ndulit, setan ora doyan : tansah diparingi slamet, ora ana kang ngganggu
gawe.
55. Duka yayah
sinipi, jaja bang mawinga-wingi : wong kang nesu banget.
56. Dudutan lan anculan (tali memeden sawah) : padha kethikan, sing siji ethok-ethok ora ngerti.
57.
Entek jarake : wis entek
kasugihane.
58. Eman-eman ora keduman : karepe eman malah awake dewe ora keduman.
59. Emban cindhe emban siladan (slendang iratan
pring) : pilih kasih / ora
adil.
60. Embat-embat celarat (klarap) : wong
nyambut gawe kanthi ngati-ati banget.
61. Endhas pethak ketiban empyak : wong kang bola-bali nemu cilaka.
62. Enggon welut didoli udhet : panggone wong pinter dipameri kepinteran sing ora
sepirowa.
63. Entek ngamek kurang golek : anggone nyeneni/nguneni sakatoge.
64. Esuk dhele sore tempe : wong kang ora tetep atine (mencla mencle).
65. Emprit abuntut bedhug : perkara sing maune sepele dadi gedhe /
ngambra-ambra.
66. Endhas gundul dikepeti : wis kepenak ditambahi kepenak maneh.
67.
Gajah (nggajah) elar :
sarwa gedhe lan dhuwur kekarepane.
68. Gajah ngidak rapah (godhong garing) : nerang wewalere dewe.
69. Gajah perang karo gajah, kancil mati ing
tengahe : wong gedhe sing padha
pasulayan, wong cilik sing dadi korbane.
70. Gagak nganggo lar-e merak : wong asor / wong cilik tumindak kaya wong luhur (gedhe).
71. Gajah alingan suket teki : lair lan batine ora padha, mesthi bakal ketara.
72. Golek-golek ketemu wong luru-luru : karepe arep golek utangan malah dijaluki utang.
73. Gupak pulute ora mangan nangkane : melu rekasa nanging ora melu ngrasakake kepenake.
74. Garang garing : wong semugih nanging sejatine kekurangan.
75. Gawe luwangan kanggo ngurungi luwangan : golek utang kanggo nyaur utang.
76. Gayuk-gayuk tuna, nggayuh-nggayuh luput : samubarang kang dikarepake ora bisa keturutan.
77. Gliyak-gliyak tumindak, sareh pakoleh : senajan alon-alon anggone tumindak, nanging bisa
kaleksanan karepe.
78. Golek banyu bening : meguru golek kawruh kang becik.
79.
(n)Jagakake endhoge si blorok : njagagake barang kang durung mesthi ana lan orane.
80. (n)Jajah desa milang kori : lelungan menyang ngendi-endi.
81. Jer basuki mawa bea : samubarang gegayuhan mbutuhake wragat.
82. Jujul muwul : perkara kang nambah-nambahi rekasa.
83. Jalma angkara mati murka : nemoni cilaka jalaran saka angkara murkane.
84. (n)Jalukan ora wewehan : seneng njejaluk ora seneng menehi.
85. Jati ketlusupan ruyung : kumpulane wong becik kelebon wong ala.
86. Jaran kerubuhan empyak : wong wis kanji (kapok) banget.
87. Jarit lawas ing sampire : duwe kapinteran nanging ora digunakake.
88.
Idu didilat maneh : murungake
janji kang wis diucapake.
89. Iwak lumebu wuwu : wong kena apus kanthi gampang.
90. Kaya banyu karo lenga : wong kang ora bisa rukun.
91. Kakehan gludug kurang udan : akeh omonge ora ana nyatane.
92. Kabanjiran segara madu : nemu kabegjan kang gedhe banget.
93. Kebat kliwat, gancang pincang : tumindak kesusu mesthi ora kebeneran.
94. Kebo bule mati setra : wong pinter nanging ora ana kang mbutuhake.
95. Kacang ora ninggal lanjaran : kebiasa-ane anak nirokake wong tuwane.
96. Kadang konang : gelem ngakoni sedulur mung karo sing sugih.
97. Kala cacak menang cacak : samubarang panggawean becik dicoba dhisik bisa lan
orane.
98. Kandhang langit, bantal ombak, kemul mega : wong sing ora duwe papan panggonan.
99. Katepang ngrangsang gunung : kegedhen karep/panjangka sing mokal bisa kelakon.
100. Katon kaya cempaka sawakul : tansah disenengi wong akeh.
101. Kebo ilang tombok kandhang : wis kelangan, isih tombok wragat kanggo nggoleki,
malah ora ketemu.
102. Kebo kabotan sungu : rekasa kakehan anak / tanggungan.
103. Kebo lumumput ing palang : ngadili perkara ora nganggo waton.
104. Kebo mulih menyang kandhange : wong lunga adoh bali menyang omahe / asale.
105. Kebo nusu gudel : wong tuwa njaluk wulang wong enom.
106. Kegedhen empyak kurang cagak : kegedhen karep nanging ora sembada.
107. Kajugrugan gunung menyan : oleh kabegjan kang gedhe banget.
108. Kekudhung walulang macan : ngapusi nggawa jenenge wong kang diwedeni.
109. Kelacak kepathak : ora bisa mungkir jalaran wis kebukten.
110. Kena iwake aja nganti buthek banyune : sing dikarepake bisa kelakon nanging aja nganti
dadi rame/rusak.
111. Kencana katon wingko : senajan apik nanging ora disenengi.
112. Kendel ngringkel, dhadang ora godak : ngakune kendel tur pinter jebule jirih tur bodho.
113. Kenes ora ethes : wong sugih amuk nanging bodho.
114. Keplok ora tombok : wong senengane komentar thok nanging ora gelem
tumindak.
115. Kere munggah mbale : batur dipek bojo karo bendarane.
116. Kere nemoni malem : wong kang bedigasan / serakah.
117. Kerot ora duwe untu : duwe kekarepan nanging ora duwe beaya / wragat.
118. Kerubuhan gunung : wong nemoni kesusahan sing gedhe banget.
119. Kesandhung ing rata, kebentus ing tawang : nemoni cilaka kang ora kenyana-nyana.
120. Ketula-tula ketali : wong kang tansah nandang sengsara.
121. Kethek saranggon : kumpulane wong kang tindakane ala.
122. Kleyang kabur kanginan, ora sanak ora kadhang
: wong kang ora duwe panggonan sing tetep.
123. Klenthing wadah uyah : angel ninggalake pakulinan tumindak ala.
124. Kongsi jambul wanen : nganti tumekan tuwa banget.
125. Krokot ing galeng : wong kang mlarat banget.
126. Kriwikan dadi grojogan : prakara kang maune cilik dadi gedhe banget.
127. Kutuk marani sunduk, ula marani gebuk : njarag marani bebaya.
128. Kuncung nganti temekan gelung : suwe banget anggone ngenteni.
129. Kumenthus ora pecus : seneng umuk nanging ora sembada.
130. Kurung munggah lumbung : wong asor / cilik didadekake wong gedhe.
131. Kuthuk nggendhong kemiri : manganggo kang sarwo apik/aji liwat dalan kang
mbebayani.
132.
Lahang karoban manis :
rupane bagus / ayu tur luhur budine.
133. Lambe satumang kari samerang : dituturi bola-bali meksa ora digugu.
134. Lanang kemangi : wong lanang kang jireh.
135. Legan golek momongan : wis kepenak malah golek rekasa.
136. Lumpuh ngideri jagad : duwe karepan kang mokal bisa keturutan.
137. Ladak kecangklak : wong kang angkuh nemoni pakewuh, marga tumindake
dewe.
138.
Matang tuna numbak luput :
tansah luput kabh panggayuhan.
139. Mbuang tilas : ethok-ethok ora ngerti marang tumindak kang ala
sing lagi dilakoni.
140. Meneng widara uleran : katon anteng nanging sejatin ala atine.
141. Maju tatu mundur ajur : perkara kang sarwa pakwuh.
142. Mikul dhuwur mendhem jero : bisa njunjung drajate wong tuwa.
143. Milih-milih tebu oleh boleng : kakehan milih wekasan oleh kang ora becik.
144. Menthung koja kena sembagine : rumangsane ngapusi nanging sejatine malah kena
apus.
145. Merangi tatal : mentahi rembug kang wis mateng.
146. Mrojol selaning garu : wong kang luput saka bebaya.
147. Mubra-mubra mblabar madu : wong sing sarwa kecukupan.
148.
Ngalasake negara : wong sing
ora manut pranatane negara.
149. Ngalem legining gula : ngalembana kepinterane wong kang pancen
pinter/sugih.
150. Ngaturake
kidang lumayu : ngaturake barang kang wis ora ana.
151. Nabok anyilih tangan : tumindak ala kanthi kongkonan uwong liya.
152. Ngagar metu kawul : ngojok-ojoki supaya dadi pasulayan, nanging sing
diojoki ora mempan.
153. Ngajari bebek nglangi : panggawean sing ora ana paedahe.
154. Nglungguhi klasa gumelar : nindakake panggawean kang wis tumata.
155. Ngontragake gunung : wong cilik/asor bisa ngalahake wong luhur/gedhe,
nganti gawe gegere wong akeh.
156. Nyangoni kawula minggat : ndandani barang sing tansah rusak.
157. Nyolong pethek : tansah mleset saka pametheke/pambatange.
158. Nguthik-uthik macan dhedhe : njarag wong kang wis lilih nepsune.
159. Nguyahi segara : weweh marang wong sugih kang ora ana pituwase.
160. Nucuk ngiberake : wis disuguhi mangan mulih isih mbrekat.
161. Nututi layangan pedhot : nggoleki barang sepele sing wis ilang.
162.
Ora ana kukus tanpa geni : ora
ana sbab tanpa akibat.
163. Ora gonjo ora unus : wong kang ala atine lan rupane.
164. Ora mambu enthong irus : dudu sanak dudu kadhang.
165. Ora kinang ora udud : ora mangan apa-apa.
166. Obah ngarep kobet mburi : tumindake penggede dadi contone/panutane kawula
alit.
167. Opor bebek mentas awake dhewek : rampung saka rekadayane dhewe.
168. Ora ana banyu mili menduwur : watake anak biasane niru wong tuwane.
169. Othak athik didudut angel : guneme sajak kepenak, bareng ditemeni jebule
angel.
170. Ora tembung ora tawung : njupuk barang liyan ora kandha disik.
171. Ora uwur ora sembur : ora gelem cawe-cawe babar pisan.
172.
Pandhitane antake : laire
katon suci batine ala.
173. Palang mangan tandur : diwenehi kapercayan malah gawe kapitunan.
174. Pandengan karo srengenge : memungsuhan karo penguwasa.
175. Pecruk (manuk kag magan iwak) tunggu bara : dipasrahi barang kang dadi kesenengan.
176. Pitik trondhol diumbar ing padaringan : wong ala dipasrahi barang kang aji, wekasane malah
ngentek-entekake.
177. Pupur sadurunge benjut : ngati-ati sadurunge benjut.
178.
Rukun agawe santosa, crah agawe bubrah : yen padha rukun mesti padha santosa, yen padha congkrah mesthi padha
bubrah/rusak.
179. Rampek-rampek kethek : nyedak-nyedak mung arep gawe kapitunan.
180. Rawe-rawe rantas malang-malang putung : samubarang kang ngalang-alangi bakal disingkirake.
181. Rebut
balung tanpa isi :
pasulayan merga barang kang sepele.
182. Rindhik asu digitik : dikongkon nindakake penggawean kang cocok karo
kekarepane.
183. Rupa nggendhong rega : barang apik regane larang.
184. Sandhing kebo gupak : cedhak wong tumindak ala, bisa-bisa katut ala.
185. Satru mungging cangklakan : mungsuh wong kang isih sanak sedulur.
186. Sing sapa salah bakal seleh : sing sapa salah bakal konangan.
187. Sabar sareh mesthi bakal pikoleh : tumindak samubarang aja kesusu supaya kasil.
188. Sabaya pati, sabaya mukti : kerukunan kang nganti tekan pati.
189. Sadumuk bathuk sanyari bumi : pasulayan nganti dilabuhi tekaning pati.
190. Sluman slumun slamet : senajan kurang ati-ati isih diparingi slamet.
191. Sumur lumaku tinimba, gong lumaku tinabuh : wong kang kumudu-kudu dijaluki piwulang/ditakoni.
192. Sadhakep awe-awe : wis ninggalake tumindak ala, nanging batien isih
kepengin nglakoni maneh.
193. Sembur-sembur adus, siram-siram bayem : bisa kalaksanan marga oleh pandongane wong akeh.
194. Sepi ing ing pamrih, rame ing gawe : nindakake panggaweyan kanthi ora melik/pamrih
apa-apa.
195. Tembang rawat-rawat, ujare mbok bakul
sunambiwara : kabar
kang durung mesthi salah lan benere.
195. Timun jinara : prakara gampang banget.
196. Timun mungsuh duren : wong cilik mungsuh wang kuwat/panguwasa, mesthi
kalahe.
197. Timun
wungkuk jaga imbuh : wong
bodho kanggone yen kekurangan wae.
198. Tumbak cucukan : wong sing seneng adu-adu.
199. Tebu tuwuh socane : prakara kang wus apik, bubrah marga ana sing
ngrusuhi.
200. Tega larane ora tega patine : senajan negakake rekasane, nanging isih menehi
pitulungan.
201. Tekek mati ing ulone : nemoni cilaka margo saka guneme dhewe.
202. Tuna sathak bathi sanak : rugi bandha nanging bathi paseduluran.
203. Tunggak jarak mrajak tunggak jati mati : prakara ala ngambra-ambra, prakara becik kari
sethitik.
204. Tinggal glanggang colong playu : ninggalake papan pasulayan.
205. Tulung (nulung) menthung : katone nulungi jebule malah nyilakani.
205. Ulat
madhep ati manteb : wis
manteb banget kekarepane.
206. Undaking pawarta, sudaning kiriman : biasane pawarta iku beda karo kasunyatane.
207. Ucul saka kudangan : luput saka gegayuhane.
208. Ungak-ungak pager arang : ngisin-isini.
209. Yuwana mati lena : wong becik nemoni cilaka marga kurang ngati-ati.
210. Yuyu rumpung mbarong ronge : omahe magrong-magrong nanging sejatine mlarat.
211.
Welas tanpa lalis : karepe
welas nanging malah gawe kapitunan.
212. Wis kebak sundukane : wis akeh banget kaluputane.
213. Wiwit kuncung nganti gelung : wiwit cilik nganti gedhe tuwa.
214. Yiyidan mungging rampadan : biyene wong durjana/culika saiki dadi wong sing
alim.
215. Yitna yuwana mati lena : sing ngati-ati bakal slamet, sing sembrana bakal
cilaka.
Sumber: http://www.beritajawa.com/2015/08/215-peribahasa-jawa.html
0 komentar:
Posting Komentar