LATAH
Tangga
ngarep omah crita, yen rayine sing dadi guru nate dadi ptanatacara (MC) ing
acara serah terima kepala sekolah. Awit sing pindhah kepala sekolah, mula acara
mau dirawuhi kabeh kepala sekolah saka sekolahan-sekolahan liyane, dalah
pejabat Dikbud lan penilik sekolah.
Nengah-nengahi
mranata acara tenggorokane rada gatel kudu watuk, mula mik sing dicekel didohke
cedhak bokong, karepe swara watukke ben ora mlebu mik. Nanging apese awak,
ngepasi watuk grok.. grok.. dadak ana swara liya ngumandhang saindenging
ruwangan... dhuuut.. breet...!
Sakala sing
rawuh sire plan padha lingak-linguk. Bareng ngerti dununge mik, sakala mak
geeerrr ngguyu kabeh. Ibu-ibu olehe gumujeng nganti pamit nyang toilet merga
kebelet pipis. Lha MC-ne kisinan trus mlayu pinarak.
Sawise
lerem, Bapak Penilik ngendika supaya acara diterusake. “Iku mau tandha ben aja
padha ngantuk, ora apa-apa. Ora sengaja latah, ngarep muni buri ngimbangi, wis
pas.”s
0 komentar:
Posting Komentar