Anoman
Anoman kuwi
wujud kethek putih memplak. Duwe kuku dawa ana ing jempol tangane. Jenenge kuku
Pancanaka, kaya kukune Wrekudara. Sandhang panganggone Anoman kaya sandhang
panganggone Wrekudara.
Anoman iku trengginas, trampil cukat mencolot utawa
mletik. Awake entheng banget prasasat bisa mabur. Nalika brubuh Ngalengka,
Anoman tinuding dadi senapati Prabu Ramawijaya. Awit saka kasektene, Rahwana
sabalane bisa ditumpes dening Anoman sabalane kang awujud kethek.
Anoman iku putrane Dewi Anjani patutan karo Bathara Guru
ing Kahyangan Argadumilah. Bathara Guru panggedhening para dewa. Dadi Anoman
iku satengah dewa. Mula sekti banget lan umure nganti pirang-pirang atus tahun.
Bareng wis tuwa Anoman madeg dadi pandhita, aran Resi
Mayangkara. Kasatriyan Kendhalisada diowahi dadi pratapan Kendhalisada.
Cantrike Anoman akeh banget, ing antarane putra Pandawa kayata Gathutkaca,
Antareja, Antasena, uga Abimanyu.
0 komentar:
Posting Komentar