Kagunan Basa "Wangsalan"

WANGSALAN

Wangsalan yaiku unen-unen kaya cangkriman nanging dibatang dhewe.

Tuladha:

A.    Kang awujud ukara lumrah

a.     Nyaron bumbung, nganti cengklungen nggonku ngenteni

           Saron bumbung = angklung

b.     Balung jagung sampun ketanggelan

           Balung jagung = janggel

c.      Wong kok menthi kacang, mbesengut wae

           Penthil kacang = sungut

d.     Sarung jagung, bobot timbang ana kowe

           Sarung jagung = klobot

e.     Balung geni, mbok menawa dolan mrene

          Mbalung geni = mawa

f.       Bebek alit kok wira-wiri ana apa ta?

           Bebek alit = meri

g.     Mrica kecut togna wae sauni-unine

           Mrica kecut = wuni

B.     Kang awujud ukara edi peni

a.     Kapi jarwa pethekku mangsa wurunga

Kapi = kethek

b.     Kukus gantung, sawangana kok bingung

Kukus gantung = sawang

c.      Reca kayu golekana kang satuhu

Reca kayu = golek

d.     Wohing tanjung, becik njunjung bapa biyung

Wohing tanjung = kecik

e.     Roning mlinjo sampun sayah nyuwun ngaso

Ron mlinjo = so