Duryudana Gugur
DISC 3
97. Patih
Harya Sengkuni : ”Hantisura!”
98. Hantisura : “Kula rama.”
99. Patih
Harya Sengkuni: “Lah kok koe meneng wae iki piye, adhimu wus pacatara la kok
mbok tonton, kowe tekan kene iki butuh nonton apa perang.”
100.
Hantisura : “Anggen kula boten tumut cawe-cawe, dene
mengsahipun namung Patih Nirbita sampun tiyang ndungkap yukswa badhea digdaya
wis wong tuwa niku rak pun apes jayane.”
101.
Patih Harya Sengkuni: “Nirbita iki aja kok
anggep wong loro saudon telu saurupan gak isih kusumar rembese mati, koe lak ra
ngerti ta? Akeh sing rung ngerti, Nirbita kuwi anake Setomo, Setomo kuwi
sedulure enom rama Begawan Abiyasa, dadine Nirbita kuwi karo Pandu nak-sanak
ngger.”
102.
Hantisura :
“Oh.. lah dosipun Seta niku sing pun pejah dek mben.”
103.
Patih Harya Sengkuni: “Lah lak Seta
putrane Prabu Maswapati, nek Seta mau kuwi lehe seda ngarepe laire tata Prabu Destrarata
ngono mula sah takon karo wong tuwa.”
104.
Hantisura :
“Oh.. inggih.”
105.
Patih Harya Sengkuni : “Dadi aja kok
anggep tem iku loro saudon.”
106.
Hantisura :
“Keparingipun rama.”
107.
Patih Harya Sengkuni : “Tulungana adhimu
Nirbita lepasana gegaman saka kadoan.”
108.
Hantisura :
“Naminipun kula lajeng dudu watak satriya lek perang ora wani tangkep jaja.”
109.
Patih harya sengkuni: “Wong perang ki
butuhe menang dalan sewu ditempuh mengkono kudu migunake akal nak perlu nakal
ngono he?”
110.
Hantisura :
“Nggih yen mekaten sekeca lenggah badhe kula lepasi pusaka.”
Sindhen.....
Sulukan :
oo..ng oo..ng oo.ng rembuningtyas netya gung kingkin lir sudama
surem tanta..da..ng wee.. kelingan lampaahee...mega mendhung anghaayuu..ng
lelayune tiyang re..nuu..wi.. kedah sambat prala..ya hoomm hee..m duduho
betharane ja..gad o... yekti lila prapteka tangga.. e..
111. Manuk : ”Gawoook-gawok gawoook.”
112.
Patih Nirbita : “Jagad Dewa Bathara yen nitik gonku pacatara keweragangan
musuhku tegese aku i kentumpang jayane nanging apa sababe ana wektu sawatara
aku pisah karo mungsuh dandang lelunggungan tanpa wilangan kaya nyaut-nyauta
niktragung sadela-sadela aku krungu panangise ponang jabang bayi, yen
mengkunu-yen mengkunu Bethara wis bakal paring kanugrahan marganing
kasampurnanku yen mengkunu kudu adu cecawis lair lan batin.”
Sulukan :
oo..hm oo..hm katetange emengingtyas marang risang karya
ri..mang sang pekik kabyatanku..m oo..hm krengtengingtyas parang baya wekasanya
kangkadiya surya pantara ratri mugi sinembating karsanira.. ee..hm hee..
Dhalang: Eling-eling
raden nirbita wus kadukyukswa wus buntas kawruh marganing kasampurnan wonten
pelap pita wus datang tumpang suh denya nampi nadyan toh tata gelar unggul
jayane nang saklebeting dados pasrah marang korbaning kang kawasa semulinu
kaprayitnan lumaraping jemparing kebat kaya kilat kesit pidatatip tumanem
jajahne Patih Nirbita e..hurung hor madyaning paprangan
sulukan :
oo..hm surem-surem dewantara pimpin lirmanuswa kang laayooo..hm
haa...
Dhalang: Ludruk
pasugiyane kaya kapuk den wusane ana madyaning pandangan nguyah-ngayuh bastara
wus titi wanci tatune dedamel mijil ludira yayah dineres mapan pernyatas sirna
werga layu Patih Nirbita sukma sejati mijil saking raga jati katampi dewa
ningan tapa pinita swargo mulya
sulukan :
oo..hm oo..hm oohm ana dandhang saka sabrang aba rupang gak
landang cucuk wesi kwasrami paring pedhang ooohmm aja nyucuk sri sedana nyucuka
sarak sawahne wong sutreta.. adohna tekan samudra duksina haaam hooom gojekna
teguh wiyana selamet woo..hm linakcana
jati walela oooohm eeemm
Dhalang: Gawok gawok
mapan pranyata seda wonten madyaning paprangan patih nirbita gagak lelunggungan
umpamiya saged tatajelma angejak ruwang angelar suwiwi murih wewayanganing
suwiwi ngayomi satriya pineksi dana madyaning paprangan ngelabeti kautaman kacarita
patih udawa andagawana dugi mulat raden nirbita geladrahan wut madyaning
paprangan njeleh patih harja sakngrikiya ngrumati dos pundi rad.
113.
Budawa :
“Wadhuh reti ana Patih Nirbita kula aturi ngentosi bungkure peparing baling
paring bali penganti-anti boten nginten bilih panjenengan kalenggahan menika
seda wonten madyaning paprangan kula boten mangertos pendalu marak majeng
wonten madyaning paprangan.”
114.
Handaka Wana : “Wadhuh kados pundi ki raka Patih Udawa?”
115.
Ki Raka Patih Udawa : “Waahh Udawa kakangku.”
116.
Budhawa :
“Kula yayi.”
117.
Ki Raka Patih Udawa : “Handhaka wana.”
118. Handaka Wana : “Kula gusti.”
119.
Ki Raka Patih Udawa : “Kok tangisana nganthi wijiling luh dadi ludira Nirbita bapakku
ora bisa waliya tumahing jati aku mbelak kahanane wus mlayu tuwandhane pertandha
wis titimangsa sapa Senopati perang saka Ngastina.”
120. Handaka Wana : “Pawarta ingkang kula tampi Antisura Surabasah menika adhi kula
ipe niku putranipun Rama Patih Sengkuni.”
121.
Ki Raka Patih Udawa : “Kowe aja melu-melu Nirbita bapaku kuwandanu rinukti saktataning
panembah Antisura Surabasah tak tantange ya.”
Sindhen....
Sulukan :
Ridhu mahan awur-awur turahan ing araning ngajurit gung bari
makru gangsa ooohm tetek kaya butula worbang rihying turahing weesti haaam.
122.
Surabasah :
“Kakang Werkudara i.”
123.
Werkudara :
“Iya kowe Surabasah oh apa Antisura?”
124. Surabasah :
“Aku Surabasah kowe maju ring madyaning paprangan dina iki musuh aku kepasang
yogya ora oleh berasaning atimu yen aku ora ngakap lugyane Werkudara lak eman
aja ngenteni babak gocik kulitmu ulungna tanganmu loro rak banda set anglungna
gulumu tak tugel dhel tak cangking sirahmu tak gawa ana ngarsa dalem tapa Prabu
Duryudana.”
Oah..( gelut )
125.
Surabasah :
“Eddyaan aku omong krumutuk kaya brantal utah ora di wangsuli olehe mangsuli
mung ngejrog lemah aku mumbul telung meter “ngombe sik”(dhalang) manas ludahku
apa perbawane didelok wong ayu-ayu kuwi haha, oh iya i Werkudara.”
126.
Werkudara :
“Apa?”
127.
Surabasah :
“Kowe nibakke penggendaman druhun gawe kaget meh gogrok marasku.”
128.
Werkudara :
“Ora prelu kakean murus hayo majua.”
129.
Surabasah :
“Kene merganing patimu Werkudara.”
Sindhen... ( gelut )
130.
Werkudara :
“Sambata kakean suwara ora ana buktine tak banting tak idak njoget ilatmu
mendelek mripatmu plesir nyawamu tangia.”
Dhalang : Raden Surabasah
den banting Raden Werkudara ketoke njaga wutuh ning remuk njero baban sanga
kinarya mijil ludira antawisipun niktra grana talingan tutuk lan liya-liyane nirbabah
depane lemah kacriyosing ngajeng kena lara luputing pati mati sedina ping pitu
ora kebacuting tiwas yen greget ora anggranu den langkahi Raden Sura Antisura Surabasah
waliya temahing jati majeng bar.
Sindhen...( gelut )
Dhalang : Hantisura pejah
njerbabah depane lemah tuwandhane den langkahi Surabasah, Antisura gesang malih.
Sindhen...
131.
Kresna :
“Kadangipun kakang dhimas Werkudara leget penggalihmu gonmu lenggah njegrek
kaya tugu manik arca molap, ana apa Werkudara?”
132.
Werkudara :
“Kresna kakangku.”
133.
Kresna :
“Apa?”
134.
Werkudara :
“Isih sabuh dadi botohe Pandhawa pora nek wis ra sabuh blaka mundur akeh sing
gelem nggenteni dadi botohe Pandhawa.”
135.
Kresna :
“Sajak e kok buta.”
136.
Werkudara :
“Leh ora nesu kepiye jarene botohe Pandhawa jagone wes maju ana paprangan
botohe sik turu ngorok apa kaya ngono kuwi jejering bata.”
137.
Kresna :
“Eehh iki ta sing marahke nak kowe rumangsa dadi jago ana sing botohi apa
sababe botohe hurung ngedu kok jagone wis tarung dhisik, kowe iki jago dikurung
apa jago kebonan?”
138.
Werkudara :
“Ya wis manut.”
139.
Kresna :
“Entek-entekane manut sing jenenge Werkudara i angger wis thingak-thinguk ngono
kuwi arep golek dalan kuwi, pun kakang ndak pundhut pirsa sapa tandhingmu.”
140.
Werkudara :
“Antisura Surabasa anake Sengkuni bapakku mangka Nirbita bapakku wis kepupu ana
ngayudha musuh Antisura Surabasah.”
141.
Kresna :
“Aku kok hurung pati dhong, sing akeh-akeh kuwi nek Werkudara nyebut Nirbita ki
Nirbita kakekku kok saiki muni Nirbita bapaku.”
142.
Werkudara :
“Nirbita kuwi anake seta kakekku Setama dudu Seta sing musuh Bisma kakekku setama
kuwi bebarengane Abiyasa kakekku anggone lair dadi Nirbita kuwi nek karo Pandu
bapaku rak sedulur nak-sanak tuwa pandu bapaku aku isa pak cilik karo Nirbita
kuwi.”
143.
Kresna :
“Ehh nek cara saiki isa om ngono ya?”
144.
Werkudara :
“Ya.”
145.
Kresna :
“Lah rak kuwi ta ingkang baku kuwi lak kuwi ta geh ugi mas Wekudara dadi isa
ndunung-ndunungke rene kowe iki aku barang iki ya wes tuwa nek arep nyabet sing
apik wis ora isa ming karek crita sing cetha lak ngono.”
146.
Werkudara :
“Ya.”
147.
Kresna :
“Nek kowe mungsuh karo Antisura Surabasa janji mati.”
148.
Werkudara :
“Urip meneh.”
149.
Kresna :
“Antisura Surabasa kae prasetya ana ngarepe bapa guru urip nunggal sakamulyan
matine nunggal sapapan nek mbok pateni mbaka siji ora mati-mati lah bisane
Antisura Surabasa mati bareng mbok kapakke tak du uga.”
150.
Antisura :
“He Werkudara!”
151.
Werkudara :
“Apa?”
152.
Antisura :
“Bebasan wis dadi jelantah isih wani maju sarah nyawa.”
153.
Werkudara :
“Sak karepmu gonmu ngucap nanging Werkudara durung rumangsa gigrik mungsuh kowe
Antisura.”
154.
Antisura :
“Nek pancen mangkono iki mengko tibane patimu Bratasena.”
Sindhen...( gelut )
155.
Antisura :
“Mati aku Werkudara aku culna tak mlayu, mati aku.”
156.
Werkudara :
“Mlayua nek bisa.”
157.
Surabasa :
“Sampeyan i pripun ta kang mas lah kok ya dicekel Werkudara og manut.”
158.
Antisura :
“Manut apa bareng aku di jejak dhadhaku wis sumrepet ora weruh kiblat trus
digendhong Werkudara aku ya wis polah bareng sirahku didedeg iwak klintek lah
kowe ngerti nek aku wis digendong kok kowe ra mlayu.”
159.
Surabasa :
“Sing ngomong sinten nek kula ora mlayu, mriki le mlayu ngebut trus dijangkah
ping telu pas geger kula kepenyak, waduuh Werkudara aku wis tobat aku culna tak
mlayu mati aku, sampeyan boten sambat kangmas.”
160. Antisura :
“Ora , ora ana gunane sampeyan ya mati ora sampeyan ya mati ya wis kek apa
prelune Werkudara kek rampung.”
161.
Surabasa : “Sampeyan iku kok dubleg ngoyak-oyak.”
162.
Antisura :
“Halah ora wurung ya ngono wee.”
Dhalang : Kacarita
Werkudara mulat Raden Antisura Surabasa pindha singgat betatung matek aji Bandhung
Bandawasa yen aji Bandhung Bandawasa wus kawatek karosane sayuta gajah bobote
pitung gunung bobote Antisura Surabasa tumrap werkudara mung kaya kapuk selaba
den undha-undha bukti wus kempal kekiyatane ya den ben kumba pecah mustakane
ajur tuwandane mblabar dadi ludira tuwandane Antisura Surabasah.
163.
Prabu Surya Bupala : “Woy mandheka
Werkudara.”
Sindhen...
Sulukan :
Ridhu mawur mangawur-awur wurahang pengaraning ngajuuu..riiit
gang bari makru gangsa tetek kaya butula werparli ing turahing westi rekatak
ingkang daja lelayu seee..giiit
164.
Prabu Surya Bupala : “Oh jagad dewa Bathara he Werkudara durung entek mungsuhmu aja
kowe mlayu aja kowe nduwe anggep nek menang Werkudara.”
165.
Werkudara :
“Waaah kowe sapa?”
166.
Prabu Surya Bupala : “Sedulure tuwa Prabu Suryanggana, Suryanggana kuwi karo kowe
sedulur tunggal guru biyen wes tekaning pati Suryanggana, iki Surya Bupala
tekaku ana tegal kuru sedya ngrebut misuwurmu lega rasaning atiku aku bisa
pinanggih weh padha dhewe nah kumpulna jimat kematmu wateken aji jaya wijayamu
tumplak blak tamakna Prabu Surya Bupala, Surya Bupala ora mundur jangkah
nanging lirna kaprayitnanmu Werkudara kelakon gigit sung benavit tughel gulumu.
Aaahh...”
167.
Werkudara :
“Teka-teka kakean cangkem kaya ngono kuwi sing mbok jaluk nyata digdaya tangiya
legaring aku.”
168.
Prabu Surya Bupala : “Mati aku bwah emm edan tanpa wangsulan terus ngampleng
pilinganku agih iki aku krungu Werkudara yahene muni cangkemu lah ya Bratayudha
rapapa woh Werkudara majua kembarana kadigdayane Surya Bupala.”
Sindhen...( gelut )
Dhalang : Surya Bupala
meng saraden Werkudara bebasan amung sakedheping netra Surya Bupala wus den
kakahi Raden Werkudara kacarita wadya bala saking giri lupita dugi mulat
sesembahanipun kepikut nyandhak dedamel ligan sesarengan antawisipun tombak
tawak lembing pedhang wadung sapanunggalane sedya ngrayak Werkudara nanging
waspada Werkudara ampyangipun Surya Bupala kalih kencandhak Werkudara
tuwandhane Surya Bupala den ubengaken ngganjret kaya kitiran satemah kengin
dedamelipun perjuritipun piyambak asta kanan kiring sempal jangga tughel
ampyang kanan kiring sempal isining waduk madul-madul sumerep kawontenan
mekaten kamigilan wadya balane bubar mawut Werkudara namung kantun ngasta ampyangipun
Surya Bupala kalih.
Sindhen...
169.
Kresna :
“Kadangipun kakang dhimas Werkudara.”
170.
Werkudara :
“Apa?”
171.
Kresna :
“Rajuten bermantyamu dhimas perjurite Surya Bupala wus bubar mawut candrane
kaya tambak merang katrajan banjir bandang merga padha wedi gila weruh
penganutmu perjurit tanpa wilangan nyekel gaman ligan tuwandhane surya bupala
kok ubengke ngganjret kaya kitiran satemah matine Surya Bupala seka gamane
perjurite dhewe sempal tangane sempal sikile madhul-madhul isining wadhuk tugel
gulune ajur tuwandhane.”
172.
Werkudara :
“Iya keparenge Kresna kakangku.”
173.
Kresna :
“Mung kakang wus bola-bali maring pengendika marang jeneng pala samatine yayi
Karna aja mbok anggep entheng babating ngayudha Senopati kang bakal teka
prayoga ayo mundur bali ana pakuwon gupalawiya pakuwon randukumbala percayakna dhimas
Setyaki kakang pati Udawa sapanunggalane.”
174.
Werkudara :
“Yen mengkono ayo Kresna kakangku tak ndhereki.”
Sindhen...
Sulukan :
Seritinan wanenging pangiyat busana maneka warna ooohh heeem
renggeng kencana retna abra bandir lanyu gumiii..giiir sendrang bandres sing
waruta ooohm saha brasta kayu pangka raapal wuspiiita anggrahing siiiti ooohm
ooohhm ron mawur kadya penakan kene gupila angyarsuuu mbabar layeng kana
Dhalang : Wurung-urung
pun kindan taksih mabur katrajan alas rungkut karungkat awit purbawaning Bandayuda
wadya klasa jenar mengsah prajurit ingkang sabyantu para kadang Pandhawa nalika
samanten Patih Nirbita kapupu wonten madyaning paprangan nanging raden Antisura
Surabasa saged den sirnakaken gandyare Werkudara wiwah Prabu Surya Bupala
bebasanane sak gebyaring taktip majeng wonten madyane paprangan mundur wus dadi
kuwanda sak sirnane luh Prabu Suryabupala Prabu Bathara Kresna mrayogeaken den Werkudara manjing pakuwon Bupalawiya
sedya sarembat denya badhe ngajengaken senopatining Kurawa ingkang badhe
dhateng wooooh sinigek ingkang wonten madyaning paprangan tegal kuru kacarita
pandhita kang kinarya sabeting carita adoh saged kadamel celak-celak saged
kadamel tebih sejati tunggal panggung namung sejeh caritane awit ewoh lamunta
sinarngo nanging kaya bareng ngangkate kang kinarya sabeting carita engging
nagari mandaraka para kadang sentana ngacarani rawuhnya Prabu Salya kaya gegandhengan
kanca.
Gamelan...
Dhalang : Wooh..
Sindhen...
Dhalang : Wooh..
Sindhen...
Dhalang : Dwi makandha
tegesipun perangan ing kengangka kalih kang kinarya sabeting cerita lenggih
ladhari mandaraka ya negara madras tat kala semanten negari mandaraka kasebat
negari kang tata titi tentrem ya gemah ripah loh jinawi ingkang jumeneng nata
wonten negari mandaraka putra Prabu Andhana putra ya Mandra dipa jejuluk Prabu Salya
ya Prabu Narasuma ya Prabu Mandra dhipa karup ingrat Prabu Salya narendra sekti
mandra guna buntas kalus saliring rat lamun ta madhuting laranggana jalma
pinelih saged ngendhih kridhane roh prabu salya paranggene Prabu Salya
hangayomi sangya para kawula boten kanthi daksiya datan temarin ngendhak
gunaning liyan dhuwur ora ngumpul-umpuli andhap ora kena den ashori saiki ja
manjing ajer-ajer bisa hamangku hamengku hamengkani suwasana ora mokal saya
imbuh yukswane nanging saya wuwuh puncarane nalika semanten katemben kundhur
saking pakuwon sewuntana pinethuk ingkeng garwa kanjeng ratu dewi setyawati ya
dewi ganawati lak punika ta warnanira Dewi Setyawati sanadyan ta wanodya
ingkang wus ndungkap yukswa nanging maksih ketingal sumarat tejane ora mokal
dhek nalika maksih kenya tau dadi ojat para priya pelindung para satriya ora
mokal minangka tetimbangan nira prabu salya ngantos bebasan putra bebranan
nanging dereng nate karengon dening ingkeng raka hawin saking saged denya
ngarang tani wataking kangkung dewi Setyawati mengkraken raka dalem patih
Tuhayata saha Prabu Salya mengkraken abdi emban kinasih embat sugandhini ning
kaya banyuning kaya watu dereng keparingi jelmae ndika ingkang kepareng mencak
sepining kawontenan Prabu Salya kepareng remendel mangkono panglindya
samaraning driya kang dereng kawijil eee..hh eee..hh ooohmm ooo...hm ooo..hm
ooohm eeehm ooo..hm eeehm
Sulukan :
ooohm ooo...hm dhene utamaning nata.. berbudi bawa leksana..
ooohm ooo..hm liring berbudi kang mangko..no hoo...hee..m rila legawaning
driya.. ooohm ooo..hm hanggung denya paring daa..na.. hang geganjar saben
ndiinaa.. lii..riiing kang bawa leksana ooo..hm ooo..hm netepi pangandikan
nii..ra.. ooo..hm ooohm heeem hee ooo..hm
175.
Dewi Setyawati : “Jiwantun anggen kula wonten madya padha sinuwun kang paringa kula
nyawusaken sembah pangabekti konjuka sahandhaping pepada sinuwun.”
176.
Prabu Duryudana : “He he jagad Dewa Bathara ni mbok Ratu Setyawati banget
panarimaku sira ngaturke pangabekti ana ngersanipun kakang pengestuku wae
tampanana.”
177.
Dewi Setyawati : “Kula pundhi mustapa mugi dadosa jejimat sabdanipun ingkang
sinuwun.”
178.
Patih Tuhayata : “Sesembahan kula wonten madyapada sinuwun kang abdi Tuhayata
nyaosaken sembah pangabekti konjuka sahandhaping wekudha mawantu-wantu.”
179.
Prabu Duryudana : “Patih Yuhayata.”
180.
Patih Tuhayata : “He kula hulun yayi.”
181.
Prabu Duryudana : “Tak tampa gawe gedhening ati.”
182.
Sugandhini :
“Sewu nyadhong duka sinuwun kula nyaosaken sembah pangabekti.”
183.
Prabu Duryudana : “He Sugandhini tak trima kowe ngaturke pangabekti.”
184.
Dewi Setyawati : “Kajawi kang menika sinuwun, sewu nyadhong duka panjenengan dalem
ingkang sinuwun kepareng rawuh wonten negari ngastina konduripun wonten
mandaraka sanged anggen kula anganti-anti kados ngentosi kumambanging sela
Kresna sileming bata adus teka kalenggan menika ingkeng sinuwun kundur ketingal
ben pelayan panjatan nuwun sewu sinuwun kados pundi kedadosanipun keng putra
angger Prabu Duryudana menapa temtu pasulayan kaliyan anak-anak kula Pandhawa.”
185.
Prabu Duryudana : “Ohoo ni mbok ratu perkara kuwi ora prelu kowe ngerti ingkeng
baku pun ana mandaraka.”
DISC 4
186.
Salya :
“Ingkeng baku pun kakang wis kundur ana mandaraga, sukur mangewu bagya sira
ingkeng nanggapi kunduripun kakang saka Ngastina.”
187.
Setiawati :
“Kula nuwun inggih.”
188.
Salya :
“Ingkeng baku pun kakang arep mundut preksa aku karo kowe iku jejodohan wis
pirang tahun, wis pirang tahun kowe dadhi ketimbanganku.”
189.
Setiawati :
“Jagad... kok ndadak dangu menika menku kersa kados pundi ta sinuwun.”
190.
Salya :
“Adile wong takon ki mung diwangsuli nek kowe kelingan wis pirang tahun?”
191.
Setiawati :
“Inggih kirang sekedik yen langkah inggih mboten kathah, tiyang sampun gadhah
wayah gemrayah kinten-kinten sampun 55 warsa.”
192.
Salya :
“55 taun.”
193.
Setiawati :
“Inggih.”
194.
Salya :
“Wah wis wenang kawin mas kuwi ya?”
195.
Setiawati :
“Kula nuwun inggih.”
196.
Salya :
“Sliramu tahu ngrumangsa tak dukani cilik tak getak gedhe tak gitik?”
197.
Setiawati :
“Kados dereng nate kula karma ingkang sinuwun.”
198.
Salya :
“Sukur beja 1000 yaiku bebrayan sing kena nggo tuladha, mangka akeh-akehe ratu
we selire apuse 20, mangka aku sinajan nek ratu gungbinadara tetimbanganku ya
mong mligi siji kowe, umpama aku arep rabo 20 ngono lak ya iso ta, neng ora
katresnanku ora tak dom-dom kejaba mung tak parengke diajeng setiawati.”
199.
Setiawati :
“ Kula nuwun inggih.”
200.
Salya :
“Dening kok ana uwong ora sembada teng greneng, kuwi jane njarak kepingin
nyemplung neraka jahanam.”
201.
Setiawati :
“Kula nuwun inggih.”
202.
Salya :
“Dene leng muni ora papa ya betoke mblubut wis dadi tetimbanganku 55 Taun nek
si adi kelingan nalika si adi dhawuh karo pun kakang kae sliramu ngagem nyamping
apa njur aku dhodhot apa ya?”
203.
Setiawati :
“Menawi mboten klentu nalika dawuh kula panjenengan ngagem dhodhot sidhomukti
kula nggih nyamping sidhomukti bareng ditemoke penjenengan ngagem dohdhot
sidholuhur kula inggih nyamping Sidholuhur.”
204.
Salya
:
“Nek ngono kelakon idam-idamanmu karo idam-idamanku ya mukti ya luhur.”
205.
Setiawati :
“Inggih.”
206.
Salya :
“Isih dodot nyamping sing mbok enggo nalika dawuh karo aku lan rung nemokke
tegese malah teksih ketingal inggal.”
207.
Setiawati :
“Dereng wonten ingkeng ciri soganipun menapa malih kok dawir.”
208.
Salya :
“Sokur iku pramandaning katresnanmu karo katresnanku babar pisan durung lungset.”
209.
Setiawati :
“Kula nuwun inggih.”
210.
Salya :
“Akeh ratu ning ora kaya aku karo sliramu kaiden dening betara jejodohan sing
bisa diarani nganti kaken-kaken ninen-ninen ora tahu padu ora tahu sulaya.”
211.
Setiawati :
“Kula nuwun inggih.”
212.
Salya :
“Nganti anakmu bebrantahan, laa saiki tak jawab lelakon anakmu Pandhawa karo Kurawa
ditrenggalangana karosane manungsa lumrah ora bisa mbedak ukaning kodrat,
kepinterane manungsa wae somantesi pesti pancen manungsa iku mung bisane nggawe
pesta nanging pesti wuhung kepani nggawe diasa perang Bratayudha dadi.”
213.
Setiawati :
“Tobat-tobat temtu dados Perang Bratayudha.”
214.
Salya :
“Wis lumadi 18 dina seprene, kurawa pendawa wis akeh bebantene sing tak mesakke
wong cilik sing ora ngerti kentang kimpuleng perkara dadhi bebanten, mangka
nalika durung dadi Perang Bratayuda umpama ketok tak trenggalani merga wong
perang kuwi wengis,titenana mbok negara ngendi ta Negara ngendi ingkeng perang
mesti wong cilik sing dadi korban.”
215.
Setiawati :
“Kula nuwun inggih.”
216. Salya :
“La iki aja kowe kaget anakmu mantu karna anakmu wadon sortikanti dina wingi
tumekaning pati sortikanti seko tresnane karo karno sudug slira anakmu Burisrawa
tekaning pati bareng karo majune pendita durna, anak murug marata tekaning pati
kasempyok perkara bareng karang matine seta ingkeng mateni ya seta ajur wandane
anak murug marata, kalenga niki aku kondor mundut pamit ana bebasan wong wis gerang
ning kudu isih gelem dadhi gerong- gerong anak, angger Prabu Duryudana wiji pun
kakang supaya dina iki madeg suraning griya jumeneng senapati njepaning papranagan
tegal kuru.”
o... o...ng
o... rengkuning tyas nyeti obong tingpen ler suda mosurem tanpaga wo...ng,
kasorlang lampa...hing mega mendung angnglayung o...ng, dalaniying dya anglawui
tetesambat pralaya pralaya... duh dewa betharaning jagad yek durna praden
antogog linang cana jati walila e...ng.
217.
Setiawati :
“Sinuwun..... pindo dipun sendal mayang raosing manah kula dugi kula widateng
pangandikanipun inkeng sinuwun paring preksa pejahipun anak- anak kula, nanging
dubi kula widanget brandalem kapiji jumeneng Senapati mangka kraosing manah
kula pertanda penjenengan dalem nadyan saben ndungkak yong suwa maksih
kesindungan kaprawiraning kanglinan kung katitik maksih pingi kados dening
Narendra Binatara teng Putra Duryudhana ndepani peprangan tegal kuru pertanda
paduka titah ingkang kinaceh sesama samaning dumadhi sinuwun....”
218.
Salya :
“Inggih....nalika pun kakang priksa yayi tedhak seka pelenggahan ngrungkepi pangkonku
tawang-tawang tangis kaget, nanging bareng aku widhanget ucapmu katon nek gede
pikermu merga aku jinunjung senapati bombong atimu merga tetimbanganmu pancenki
tak ingkeng kinacek kasudegyan.”
219.
Setiawati :
“Kula nuwun inggih.”
220.
Salya :
“Pancen bener wanidya ikun nek kadhuk bungah dadhi nagis nek kadhuk susah ya
dadhi nangis.”
221.
Setiawati :
“Nanging keparengan kula gadhah penuwun.”
222.
Salya :
“Nduwe penuwun apa?”
223.
Setiawati :
“Dereni penjengan sugeng wonten marcapadha yen mukti wibawa kula ngayom
kamulyan paduka yen seda kula kedah mangertos alang juring wanda kula kepareng
mboten kepareng badhe nderek wonten paprangan.”
224.
Salya :
“Aja...wong wadon melu ana ing paprangan ora gawe santosaning ati nanging malah
gawe ribeting laku.”
225.
Seriawati : “Sinuwun...menawi mboten
kepareng penjenengan inggih mboten kenging majeng wonten paprangan,awit yen
kula nyuwun parengaken nderek yen penang unggul jayanipun, dipun sugya-sugya
para kerula kula tumut rumaos mulya raosing manah kula yen penjengan seda kula
bade bela seda paduka.”
226.
Salya :
“Dadhi ora kena tak...endakke karepmu.”
227.
Setiawati :
“Mboten sinuwun....”
228.
Salya :
“Yo yo yo wis ora po po, nanging pun kakang arep manjeng madyaning peprangan
sedya sesuci siram Dewa Sraya.”
229.
Setiawati :
“Ing wingking sampun wonten tirta wening 7 njembangan kula sukani sekar ingkang
mawar miwar limabar gadha alum minangka siram Dewa Sraya ingkang sinuwun sewawi
kula derekaken.”
230.
Salya :
“Yo yo aku inggal nderekna manjing patirtan.”
o...ng
wanedya ayutama mangambar arum o...ng, mangambar aruming kasokma tesmanya
ngigit lati... o...ng e...ng
Kacarita
Prabu Salya segra manjing patertam siram jamas kaping 7 dipun derekaken ingkang
garwa saklebetipun siram jamas menggalih kengrayi supados sampun ngantos tumut
wonten madyaning paprangan marginipun menapa, dutiwus purna daya siram jamas
sedya ngadi busana nangin dereng saget ngagem busana kasenapaten kacandak
astanira deneng ken garwa sarwi mesem anujiwat sanadyan dewi setiawati wis
ndungkap yuswa eling-eling wanidya sulistya ing warna gebyaring, aja yayah
mutiara rinonce satemah jlep raosing manah prabu salya tuwuh karaos sedya
minang kaning panuwuning nira ingkang garwa ya minggak kantil gading,
kekalihnya muja harganing asmara dadan kacarita solah hawaning priya lan
wanodya Prabu Salya dupimolatken garwa sari kepati nanging wonten astanipun
Prabu Salya, Prabu Salya morating garwa wusare tepati lon-lonan donya mlorot
asta saking lungayange ngero ingkang garwa, medok sangking kantil gading ya
ngagem busana kasenapaten mijil saking patunggon Prabu Salya.
e...ng
leng-lenging griya mangun mangung-mangungkung o...ng wo...ng o...ng o...ng
231.
Salya :
“Patih tuhayata...tuhayata.”
232.
Tuhayata : “ Mriki dateng sendika.”
233.
Salya : “Sendika ki ngapa aku durung dawuh.”
234.
Tuhayata : “Mbok menawi sampun dawuh.”
235.
Salya : “Sora patutu seba kok turu?”
236.
Tuhayata : “Kula menika mboten tilem, ketileman.”
237.
Salya :
“Bedane apa?”
238.
Tuhayata :
“Menawi kula tilem menika lak nggledak sareng kula kaliyan, mogog- mogog.”
239.
Salya : “Lenggah ora isa?”
240.
Tuhayata : “Awakke dewe dilenggah-lenggahake keleru
menika rak namong ketileman, keturon makaten wis tangi mboten temtu tindakan
awit pran manjeng datulaya kaderekaken kang garwa kok lajeng nyenyet, kula
namung mireng dehem.”
241.
Salya :
“Swandamu lak menika aku arep maju ramadyaning paprangan.”
242.
Tuhayata :
“Nuwun sewu agemipun agemipun canela klentu menika clipu putri.”
243.
Salya :
“Ooo iya tujune kowe ngerti kok an.”
244.
Tuhayata :
“Inggih.”
245.
Salya :
“Wah mau tak jejerke seng marai, gustimu ratu bisa tak kilapke nggone sati
tepati jalaran pancen aku nduwe pangangkak aja nganti klakon nderek ana
paprangan.”
246.
Tuhayata :
“Inggih.”
247.
Salya :
“Aja nganggo unen-unen tatanan prajurit ing mandaraga budal kanthi sesideman
aja nganti mbribeni gustimu, inggal njujug pesangrahan ngrunting tepineng alas tegal
kuru.”
248.
Tuhayata :
“Mringi saking dawuh.”
249.
Salya :
“Sugandini.”
250.
Sugandini :
“Kula nuwun wonten dawuh.”
251.
Salya :
“Mangsa bodoa kowe kudu bisa ngladeni sesembahanmu aja nganti klakon sungugusul
ana paprangan.”
252.
Sugandini :
“Kula nuwun inggih sembah kula nderek tindak paduka ingkang sinuwun.”
Sindhen...
253.
Setiawati : “ Nemban Sugandini.”
254.
Sugandini: “ Kula gusti raden ayu.”
255.
Setiawati : “ Ingkeng sinuwun iki mau
kepiye ana ngendi, nalika mau kaya ana kantil gading ana pantunggon teka, aku
lir nggonku sare tak wis macake ora katon emban.”
256.
Sugandini: “Ya joh sesemban kula raden
ayu, sesemban kula sinuwun Prabu Salyantaka sampun bidal wonten nadyaning
paprangan, milaha kanti sesideman mboten mawi tengara senajan kaderekaken madya
ing wik mandaraga.”
257.
Setiawati : “Ora trima ora saoling atiku
kudu aku arep sungusul.”
258.
Sugandini: “Dawuh dalem mboten kenging
kula ingkang supados caos preksa, awit menika wonten madyaning paprangan kebak
bebaya, kuwatos menawi ngantos penjenengan wau kesanja baya.”
259.
Setiawati : “Sugandini... kowe tega karo
aku ya kena ora ya karepmu, aku dipalangono mlumpat ya arep medot kudu arep
sungusul ingkang sinuwun.”
260.
Sugandini : “Duh sembahan kula gusti
panjenengan nalika taksih timur kula ingkeng ngempit kula ingkeng nggendong
kula ingkeng ngemban, bransak dewasa mukti wibawa kula ngiyup kamulyan paduka,
yen pun njenengan nandang cintraka ngih kula labeti kula mboten saget misah
layaning ingkang gusti reden ayu, badya manjing lak-lak aning naga kula
derekken.”
Kacarita
Dewi Setiawati, awit saking agenging katresna dateng niraka sungusul, keraka
madyaning paprangan, eling-eling manugya dadanate preksa sak njawining kedaton.
Kacarita tindakna Dewi Setiawati ketlangso-tlangso munggah gunung mudun jurang,
dateng saking pinagya papan padungunan nira keengga apa Prabu Salya.
Sinden...
Kayon-kayutan
purwa sejati weduana pangklebat pa...pat o...ng godonge mega rumenge... apret
apa kekuwong... o...ng o...ng gembang rintang slaga langen o...ng o...ng senine
ndaru i...l...hat was surya lanting suk asirat hun gawan udan wujude akasa
bongkah prato oyote bayu bajra witing klapa o...ng e...ng o...ng..
Lepas
tindaknya dewi setiawati kaderekaken emban Sugandini lenging panyepta sedya
sungusul ingkang rata wonten madyaning paprangan tegal kuru eling-eling Dewi Setiawati
datan nate preksa sak jamining kedaton, dugi manjing kelem ging wana, lepas
wahdadi gregeding andana cala sumengka minggah harga tumuruning jurang terbis
letlangsa-tlangsa lampae, dugi mulat kiblat paracima ketingal sang hyang
pertanggawati konjeng pertiwi pertanda gumelaring jagad telasing rina sedya
gumanti ratri tamtantara yowan candra mijil sedya merbrawaning jagad raja, lumampahing
sang hyang candra panjer ing angkasa pertanda wis dumugi titi wanci, wancine
ngancik goro-goro.
0 komentar:
Posting Komentar