WATAKE PANDHAWA SIJI-SIJINE
Prabu Puntadewa watake lugu, jujur, lan lilan. Tegese lilan
yaiku apa wae barang darbeke, yen ana sing nembung njaluk, mesthi diwenehake
kanthi lilaning ati. Nadyan nyawane pisan yen ana sing nembung njaluk iya
diwenehake. Sang Prabu iya duwe rasa welasan marang wong sing nandhang
kasusahan.
Wrekudara watake kendel. Sapa sing gawe ala dialani, sapa
sing gawe becik dibeciki. Jujur, temen ora tau goroh. Iya-iya, ora-ora.
Wrekudara sekti mandra guna digdaya yen perang.
Janaka watake kendel, seneng maguru para pandhita linuwih.
Jujur, digdaya sekti mandra guna, akeh bojone. Ora seneng kungkulan wong liya
kapinteran lan kasektene. Welasan karo wong sing nandhang nandhang kasusahan.
Nakula lan Sadewa padha pintere. Bekti lan setya marang
sadulur tuwa. Pinter nambani lelara warna-warna.
Prabu Darmakusuma iya Prabu Puntadewa kagungan pusaka wujud
layang, sing diarani Jimat Kalimasada utawa komplite jenenge: Pusaka Jamus
Jimat Kalimasada.
Wrekudara gamane wujud gada, diarani gada Lukitasari utawa
gada Rujakpolo.
Janaka pusakane akeh. Ana panah, ana keris. Sing wujud panah
yaiku dijenengake Pasopati karo Ardhadhedhali. Sing wujud keris diarani
Pulanggeni lan Kalanadhah. Keris Pulanggeni lan Kalanadhah iku wujud keris
tanpa luk. Keris sing mangkono iku diarani keris dhapur naga tapa. Dene yen
keris mawa luk, diarani keris dhapur parung.
0 komentar:
Posting Komentar